أنودة مأساة للمنشد سمير البشيري

بسم الله الرحمن الرحيم

كلنا نعرف عواقب عقوق الوالدين لكن ما في احد يهتم ولا في احد يتعظ من العبر إللا من هداه الله

أنا جبت لكم واحدة من العبر والمواعظ اللي تفطر القلب
رحل والده..

ولم يبقى له سوى تلك الأم الحنون..

أحتضنته بكل رعاية..كانت له الأم و الأب..

وفرت له كل ما يحتاجة حتى شب عوده..

وها هو دوره الآن في رد الجميل..

فكيف كان رده..؟!

هذه انشودة مأساة أم للمنشد سمير البشيري
مع الكلمات

غاب ابوه اللي يضمه ،، ولا بقي له غير امه

امه الام الرحوم ،، وكل طيب تحتويه

كلها عطف وامومه ،، شالت الوقت بهمومه

ودها تسعد ولدها ،، باي شي وتحتميه

امنت له كل شي ،، وحبه ابها نبض حي

ولو طلبها ما طلبها ،، ساع يطلب تشتريه

كافحت في هالحياه ،، وسوت اله المعجزات

وان تأخر ما تنام ،، الليل كله تحتريه

تبكي والدمع يغشاها ،، وتمسحه لامن جاها

ما تبيه يشوف دمعة ،، حزن المها يكتسيه

ومن بعد ما شب عوده ،، واستوى وكبرت عضوده

وصار متزوج بعذرا ( لا ) معاها تصير ( ايه )

نسته ام وفت له ،، يوم الاجوا ما صفت له

لا وقالت له انا ابغا ،، بيت امك ما تجيه

كيف اصير ببيتي حره ،، وانا اشوف الأم ضره

وخططتله ودبرتله ،، وسوى كل اللي تبيه

ولان شخصيته ضعيفه ،، وامه اشبه بالكفيفه

وما توانا لو دقايق ،، يطرد ام ترتجيه

وقام سوا له جريمه ،، وشالها شيلة غريمه

وعقب وصلها الرعايه ،، صوتت له يا ولدي هييييه

يا ولدي وين انت رايح ،، قالته والدمع سايح

والتفت فيها ورد ،، برد متنكر سفيه

قال انا رجال تاجر ،، منشغل بين المتاجر

وان بغيتيني بحاجه ،، هذا رقمي واطلبيه

ولجل ما تجرح شعوره ،، طاعته بامره وشوره

وابتعد عنها وقفا ،، وكل ماسوت نسيه

وهمل امه يا حسافه ،، وصد واعلن انحرافه

وصار ما يسأل عليها ،، ولا تلاقوا بالوجيه

والا هي يوم ادخلوها ،، بالرعايه وانشدوها

قالت بنبره حزينه ،، هو ولدي والله يهديه

عنده اشغال كثيره ،، وكم محل هو يديره

وعاذرته بما فعل بي ،، دام مامره في يديه

ومن ولعها في ظناها ،، كل هم اكتساها

واصبحت في وضع مؤسف ،، وضع ما تحسد عليه

وضع كلٍّ به تأثر ،، عاشت ابه اسبوع واكثر

لين روح الطهر فاضت ،، من جسد طاهر نزيه

حلمها اللي في ولدها ،، لاكبر يكبر سعدها

مات لحظة كفنوها ،، ولا بقا يا كود ليه

ليه هملها وجفاها ،، وليه ما قدر وفاها

وليه يقتل حلمها اللي ،، من زمان تعيش فيه

ليه وكم ليه مرت ،، في خيالي واستقرت

شرقت بي وغربت بي ،، وصرت في حيره وتيه

والله يا عالم مصيبه ،، واقعه فعلا غريبه

منها تبكي كل عين ،، وينجرح قلبٍ نبيه

ولكن الكلمه الاخيره ،، رددوها بكل ديره

وقولوا (( من يبغا رضا الله ،، يطلب رضا والديه ))

وهذا هو رابط الانشودة

http://www.almslool.com/download-392-0.html

أتمنى ما احد ينسى الرد على موضوعي
مع تحيات
أحمد عزالدين
والسلام عليكم ورحمة الله وبركاته

جزاك الله خير